Univerium 2018-ci ildə inşa olunub. Bizim yataqxanamız 650-dən çox tələbəni otaqlarla təmin edə bilər. Univerium binası Bridge Groups of Companies tərəfindən Britaniya memarlıq şirkəti olan “Design Lab Architects”in layihəsi əsında tikilib. Yataqxana Bakıxanov və Ceyhun Hacıbəyli küçələrinin kəsişməsində, Bakının əsas universitetlərinin, metro stansiyalarının, parkların və ticarət mərkəzlərinin yaxınlığında yerləşir.

Komandamız - Univerium komandası profesional və təcrübəli tələbə mənzil və əmlak menecerləri,əməliyyat və logistika mütəxəsisləri, matketinq və lizinq işçilərindən ibarətdir. Univeriumda sakinlərimizin, müştərilərimizin və işçilərimizin məmniniyyəti üçün əlimizdən gələnin ən yaxşısını edirik.

Məqsədimiz - Tələbələri akademik və şəxsi müvəffəqiyyətinə, öyrənməyə stimul yaradan təhlükəsiz, rahat və cəlbedici bir mühitlə təmin etməkdir.

Dəyərlərimiz - Univerium işində aşağıdakı əsas dəyər və prinsiplərə riayət edir:

Missiyamız Univeriumdakı innovativ proqram və xidmətlər vasitəsi ilə tələbələr üçün təhlükəsiz və stimul verici bir yaşayış mühiti yaratmaqdır. Univerium sizin eviniz olmaqla bərabər, həm də müxtəlif sahələrdən olan insanları özündə birləşdirən bir yataqxanadır. Lakin hamınızın bir ortaq cəhəti var: Bir binadan ibarət olan yaşayış sahəsi. Yerləşəndən sonra siz və otaq yoldaşlarınız yataqxananın siyasətini və gözləntilərini ətraflı bir şəkildə əks elətdirən “Tələbənin məlumat kitabçası”nı əldə edəcəksiniz. Hər bir şəxs bu qaydalara, və digərlərinin şəxsi həyatına hörmətlə yanaşmalıdır. Bu qaydaları pozan tələbələr Univerium rəhbərliyi tərəfindən xəbərdarlıq edilir,cərimələnir və ya müqaviləsinə xitam verilir.

Aşağıdakı qayda və təlimatlar bu kitabçadan bir hissədir.

Otaqlarda qayda və təlimatlar:
● Otaqlarda siqaret çəkmək qadağandır. Siqareti yalnız xüsusi ayrılmış yerlərdə çəkə bilərsiniz.
● “Səssiz” saatlar axşam 10-dən səhər 7-ə kimi olan vaxtı əhatə edir.
● Otaqlarda mebellərin daşınmasına icazə verilmir.
● Otaqlar təmiz və səliqəli saxlanılmalı.
● Olduğunuz yerdən çıxarkən işıqları söndürün.
● Otaqlarda ev heyvanı saxlanılmasına icazə verilmir.
● Ümumi sağlamlıq və gigiyena qaydalarına əməl olunmalı.
● Otaqdan çıxan son şəxs sizsizsə qapını bağladığınızdan əmin olun.
● Açıq içki və yemək qablarını otaqlarda saxlamayın.
● Hər hansı gigiyenik problemlər yaranmasın deyə tullantılar həmin gün atılmalıdır.
● Hamamlar\sanitar qovşağı hər zaman təmiz saxlanılmalıdır.
● Otaq yoldaşlarınızın məhrəmliyyətinə və şəxsi əyşalarına qarşı diqqətli olun.
● Açarların və giriş kartlarının icazəsiz istifadəsi və çoxaldılması qadağandır.
● Otaqda yemək bişirmək qadağandır.

Ümumi qayda və təlimatlar:
● Yataqxana ərazisində alkoqoldan istifadə qadağandır.
● Qeydiyyatsız qonaqlara icazə verilmir.
● Fitness mərkəzi 24\7 fəaliyyət göstərir.
● Tələbə yeməkxanası 7:00-dan 21:00-a qədər fəaliyyət göstərir.

1. Yataqxanaya köçmək üçün necə müraciət edə bilərəm?
Bu prosess çox asandır. Bunun üçün sadəcə qeydiyyat şöbəsinə yaxınlaşmağınız kifayətdir.

2. Müraciət edərkən hansı sənəd lazımdır?
Siz tələbə biletinizin və şəxsiyyət vəsiqənizin bir nüxsəsini təqdim etməlisiniz. Əcnəbi tələbələr öz isə passportlarını və vizalarını tədqim etməlidir.

3. Oğlan və qız tələbələr eyni otağı bölüşə bilər?
Xeyr, qız və oğlan tələbələrin otaqları tamamilə ayrıdır.

4. Mən öz otağımı bölüşəcəyim şəxsləri özüm tapmalıyam?
Xeyr, siz öz otaq yoldaşlarınızı tapmırsız və siz yalnız öz kirayə götürdüyünüz yerə görə məsuliyyət daşıyırsız.

5. Mən dostumla birgə gəlib eyni otaqda qala bilərəm?
Siz birgə müraciət edib eyni otağı bölüşmək istəyinizi bildirəndən sonra biz əlimizdən gələni edəcəyik ki, siz və dostunuz eyni otaqda qalasınız.

6. Mən bir müddət məsələn, 3 və ya 6 ay öncədən yer saxlaya bilərəm?
Bəli, siz öncədən yer rezerv edə bilərsiniz. Zəhmət olmasa öncədən bizimlə telefon zəngi və ya e-mail vasitəsi ilə əlaqə saxlayın.

7. Kommunal xidmətlərin xərcləri də kirayə haqqına daxildir?
Bəli, bütün xidmətlər- elektrik, məişət tullantıları, isti və soyuq su, yüksək sürətli internet və s. qiymətə daxildir.

8. Bəs camaşırxana xidməti necə?
Siz bizim camaşırxananın da xidmətindən ayda 1 dəfə pulsuz yararlana bilərsiniz.

9. Təmizlik xidməti təmin edilir?
Biz ayda 4 dəfə öz təmizlik xidmətimizi pulsuz təqdim edirik.

10. Otaqlarda ev heyvanı saxlamaq olar?
Xeyr, otaqlarda ev heyvanı saxlanmasına icazə verilmir.

11. Mən yataqxanada qonaq qəbul edə bilərəm?
Təəssüf ki, qonaqların yataqxanaya gəlməsinə icazə yoxdur.

12. Mən otağımda siqaret çəkə bilərəm?
Xeyr, siqaret çəkməyə yalnız yataqxana ərazisində xüsusi ayrılmış yerlərdə icazə verilir.

13. Yemək də kirayə haqqına daxildir?
Xeyr, siz kirayə haqqından əlavə olaraq yemək paketini də əldə edə bilərsiniz. Əgər bu paketdən imtina edirsinizsə onda öz yemək xərcinizi özünüz qarşılamalısınız.

14. Mən öz kirayə haqqımı necə ödəyə bilərəm?
Siz kirayə haqqınızı nağd pulla və ya bank kartı ilə ödəyə bilərsiniz.

15. Yataqxananın təhlükəsizliyi təmin edilir?
Bəli, yataqxanada 3 mərhələli təhlükəsizlik sistemi mövcuddur: elektron giriş kartları ilə əsas girişdə, mərtəbə girişi yə ya liftlərdə və otaq girişlərində. Bundan başqa, bütün yataqxanın təhlükəsizliyi 24 saat ərzində təmin edilir.

16. Otaqlara necə giriş etmək olar?
Sizə otaqlara giriş üçün xüsusi kartlar veriləcəkdir.

17. Yataqxananın hansı ümumi imkanlarından yararlanmaq olar?
Bizim müxtəlif imkanlardan, o cümlədən, fitness mərkəzindən, basketbol meydançasından, kino zaldan, musiqi otaqlarından, istirahət otaqlarından və s. istifadə edə bilərsiniz.

18. Yataqxananın yaxınlığında avtobus dayanacağı var?
Bəli, yataqxana şəhərin mərkəzi hissəsində yerləşir və yaxınlıqda dayanacaqlar mövcuddur. Dayanacaqlardan keçən avtobuslarla qısa bir zaman ərzində, ADNSU, ADA, ATU, BDU, ADİU, ADU və s. kimi universitetlərə gedə bilərsiniz.